وحگ اعيونك ورسمك وداعك
وحگ جلماتك الحلوه وداعك
يصاحب فرهَد ابروحي وداعك
انتلف ثلثين والباقي باذيه
**************************************************************
وحك رمضان وأشرافه وكتبه
عليك يهل دمع عيني وكتبه
انه شماريد أهم خطك واكتبه
شدهني جفاك من غصبن عليه
*****************
سهمك شك كلب كلبي وطرّه
اوونيني منعرف لحنه وطرّه
كتبه ماصرت ليّه وطرّه
صرت كلشي وكلاشي ابين اديه
**************
وحك النزل مرسوله والكتاب
لتظن كلبي عن ودك ولكتاب
بغيابك امي لا اقره ولكتاب
ولا يغمض جفن بجفاك اليه
****************
انـة الموت وكتـة ويـاي .. حل حل
وعلي دنيـاي كلهة تصيح .. حل حل
بتــابوت وجفن غطـوني .. حل حل
مايرضة يتلفلف بي علية
*********************
بعيد الموت عنج حل ماحل
وانه الوياي وكتي حل ماحل
جتفني زماني وحل ماحل
ولا اكدر بعد اومي بديـــه
**************************
اضـل للمـوت اصيحـاً .. بسمك انة
حـروفي بوسـط اسمـك .. بسمك انة
اعـربـك بسـم انـة و .. بسم كانة
اذا اعرب غلط تصبح قضية
************************
آنه الدوم الج بسمك وصحباك
واتمنه الكرب منك وصحبــــــاك
امشي اعليك كل اهلك وصحباك
و اريدنك صديق بحسن نيه
***************************
ولان ما أريد اشوفك يوم حزني
وتدري بسيف هجرك ولك هزني
كلبك انتة وحدك الي هزني
وحيازة وحمل سلمتك بدية
*************************
لو تعرفني أحبك وشتمنك
لان منطي للواشي وشتمنك
اريد اليوم احضنك وشتمنك
وأشوفك هم تذب روحك علية
*******************************************************
عكلي من وهج حسنك شت آنه
ونفذ صبري بعد هجرك شتانه
مطر ما جابة غيومه شتانه
بعز الصيف يمطر هم عليه
**************************
عشرتك روحي صدك ماتملهة
وكلبي ايام سعدك ماتملهة
اريد انصب الروحي ماتملهة
وأشوفك هم تجي وتبجي علية
*************************
عقلي ادولب بحبك وشتبيك
شكثر تهواك انه روحي وشتبيك
اليه الناس لو كلها وشت بيك
اجذبها واجرن بيك اليه
**************************
القلب مارف على غيرك ولامال
خلص عمري من كثر وعودك والامال
ابد لاولف عندي ولامال
الونس انت حبيبي وهاي هيه
**********************
دليلي بنار هجر المحب وي وي
واشوف الكون شهب وجان وي وي
اجيتك ليش كمت اتصيح وي وي
تريد اتضحّك الوادم عليه
**************************
اعتنيت اشلون ويلاك
ولهاذه رفض جيتك ويلاك
اذا دلال من الهجر ويلاك
انه وجيت كلي اشلون بيه
***********************
اعتنيت الما دعاك اشلون ويلاك
ولهاذه رفض جيتك ويلاك
اذا دلال من الهجر ويلاك
انه وجيت كلي اشلون بيه
***********************
وين وياك حدي وانه على اول
عفتني ابجي بوينيني وانعى الاول
احلفك لاتسبني والعن اول
الكلب والروح الحبنك سوية
******************
بجيت عيوني عالراحو وهدبي
واعرفه كليبي مايهده واهدبيه
الحسبته سلاح بالشده وهدبيه
هدو بيه عدواني عليه
**********************
لاذ بكلبي شوكك وانتقل بيه
صعد للراس حبك وانتقل بيه
احب اشلون غيرك وانته قلبي
وانه بكلبي احبن مو بديه
*************************
انه اليوفي بجه عينك وهدبــــــك
وروضك وارتضي منك وهدبــــــــك
سلاح انته اعله عدواني وهد بك
واراويهم املاكات المنيـــــــــــــه
************************
میثم الزهیری
